Færslur: 2007 September

30.09.2007 21:33

Ferð til Kenya

 

Við eru á förum til Nakuru Kenya, Undirritaður og Sölvi Hilmarsson. Ég ætla að kenna þar á biblíuskóla í fimm daga um trúboð og leiðtoga. Skólinn er á vegum Victory kirkjunnar í Tulsa Oklahoma. Einnig ætlum við Sölvi að eyða 3 dögum hjá Leif og Susanne Madsen sem reka New Life barnahjálp í Afríku. Kirkjan okkar hefur styrkt þetta starf og við ætlum einnig að standa að heimsókn þeirra hjóna í janúar n.k.

Við erum mjög þakklátir þeim sem vilja biðja fyrir okkur daglega meðan við erum að heiman.

26.09.2007 21:31

Opið hús

Núna í september byrjaði nýtt starf í kirkjunni okkar. Það er opið hús á laugardögum. Sá sem leiðir þetta starf heitir Baldur Freyr Einarsson, hann er fæddur hér í Keflavík og hefur hjarta fyrir bæjarfélaginu okkar og brotnu fólki. Þessar samkomur hafa verið vel sóttar og verða áfram 3 laugardaga í mánuði. Fjórða laugardaginn fer hópurinn austur í Kirkjulækjarkot og hefur þar bænadag. Biðjum fyrir þessu starfi.

26.09.2007 21:27

Smurningin

Við heyrum oft talað um smurninguna meðal hinna kristnu. Mikið var þetta smurt segir einhver, og sá sem er að koma í fyrsta skipti á samkomu eða stillir inn á Lindina hefur ekki hugmynd um hvað er verið að smyrja. Er þetta fólk kannski með innbyggða ljósavél eða hvað?

Hugmyndin er úr gamla testamenntinu þegar menn voru smurðir til konungs eðaprestaþjónustu. Þá var hellt olíu yfir höfðuð þeirra. Síðan er þetta tákræn merking fyrir smurningu Drottins.

Ef við hugleiðum aðeins af hverju það þarf að smyrja bílvél, þá er það vegna þess að í vélinni eru hlutir á hreyfingu. Ef vélin fær ekki smurolíu bræðir hún úr sér. Vél sem aldrei er gangsett getur hins vegar vel komist af án smurolíu.

Þannig er það einnig í hinu andlega : Jesús sagði, farið.... og þegar við förum kemur smurningin eða nærvera Drottins getum við líka kallað það. Í 2. korintubréfi 2.14 segir : En Guði séu þakkir sem fer með oss í óslitinni sigurför Krist, þar sem vér rekum erindi hans.

Hvatning mín til okkar er að vera á hreyfingu í Guðs ríkinu og þá mun smurning Guðs fylgja okkur.

  • 1
Flettingar í dag: 66
Gestir í dag: 18
Flettingar í gær: 384
Gestir í gær: 53
Samtals flettingar: 1113777
Samtals gestir: 159111
Tölur uppfærðar: 12.12.2017 06:30:36